САПА САЛАСЫНДАҒЫ САЯСАТЫ

Алматы қаласы әкімдігінің шаруашылық жүргізу құқығындағы "Метрополитен" коммуналдық мемлекеттік кәсіпорнының

2014-2020 жылдарға арналған

САПА САЛАСЫНДАҒЫ САЯСАТЫ​

Алматы қаласы әкімдігінің шаруашылық жүргізу құқығындағы "Метрополитен" коммуналдық мемлекеттік кәсіпорны (бұдан әрі – «Метрополитен» КМК) Алматы қаласы метрополитенін пайдалану бойынша шаруашылық қызметін жүзеге асыра отырып, өзінің қызметінің негізгі мақсаты мен тапсырмасын көлік инфрақұрылымын дамытуға және Алматы қаласы қоғамдық көлік жүйесінің тиімділігін арттыруға бағытталған жолаушыларға жоғары сапалы қызмет көрсету және қауіпсіз тасымалдау бойынша қызметтер ұсыну деп таниды.

            Өз қызметінде ISO 9000 сериясындағы халықаралық стандарттарда жария етілген сапа менеджменті жүйесінің (СМЖ) қағидаларымен жүре отырып және Қазақстан Республикасы заңдарының талаптарын қадағалай отырып, «Метрополитен» КМК метрополитен жолаушыларына қызмет көрсету сапасын үнемі арттырып отыруға ұмтылады, бұл ретте өз қызметіндегі мынадай негізгі стратегиялық мақсаттарды жүзеге асыру арқылы:

• жолаушыларды қауіпсіз тасымалдау кепілдігімен қызметтердің тиісті сапасын қамтамасыз ету;
• метрополитен бекеттерінде әлеуметтік инфрақұрылымды дамыту;
• пойыздардың үнемі жүріп тұруын қамтамасыз ету;
• метрополитеннің созылып жатқан желілерін дамыту;
• қалалық жолдардың асқын жүктемесін қоғамдық көліктің жер бетіндегі түрлерімен бірлесіп азайту;

Қызметтің стратегиялық бағыттарын жүзеге асыру үшін «Метрополитен» КМК басшылығы төмендегілерді қамтамасыз ету бойынша міндеттемелерді алады:

• жолаушылар қауіпсіздігін қамтамасыз ету жүйесін дамыту;
• халықаралық тәжірибе негізінде жолаушыларға қызмет көрсетудің мәдениет деңгейін арттыру;
• метрополитен қызметкерлерінің еңбек тәртібінің жоғарғы деңгейі, жұмыскерлердің біліктілігін және құзыреттілігін үнемі арттыру;
• метрополитенді пайдалану сапасына тиісті әкімшілік, ұйымдастыру, әдістемелік және техникалық сүйемелдеу және бақылау;
• қызметке әлемдік стандарттарға сәйкес алдыңғы қатарлы техникалар мен технологияларды ендіру;
• жылжымалы құрамдарға қызмет көрсету мен жөндеу технологияларын үнемі жетілдіру;
• өндірістік және өндірістік емес мақсаттардың инфрақұрылымын үнемі тиісті жағдайда ұстау;
• метрополитен қызметін тұтынушылар мен метрополитен қызметіне қызығушылық танытқан тараптардың пікірлерін ескере отырып, сапа менеджменті жүйесінің процестерін үнемі жақсарту.

 «Метрополитен» КМК басшылығы өзінің жұмыскерлерінің бейілділігін, бастамашылдығын және кәсіпқойлығын жоғары бағалайды, осы Саясатты барлық деңгейлерде қолдауға сенім артады және сапа саласында осы Саясатты жүзеге асыру үшін қажетті ресурстармен қамтамасыз ету бойынша міндеттемені өзіне алады.